सुण ना सकेगा मेरे कन्हैया, के के बदल्या पावैगा

 दोबारा अवतार धारके जब धरती पै आवैगा
सुण ना सकेगा मेरे कन्हैया, के के बदल्या पावैगा

1. देवकी वासुदेव मिले ना, मिलेंगे मम्मी डेडी रै
दूध दही ना मिले खाण नै, चाय मिलेगी रेडी रै
सपना का तूं डांस देखिये, रेप मारता केडी रै
सिर फुड़वादे, आग लवादे, घणी कसूती लेडी रै
देख देख के ऐसे अजूबे सिर तेरा चकरावेगा 

2. नहीं मिले पिताम्बर बाणा, फिट पैंट ये जींस मिले
बैस्ट फ्रेंड मतलब के साथी, टाईम पै अपसेंट मिले
फोन पै करदे टाटा, टाटा परमानेंट मिले
इंद्रप्रस्थ का नाम बदल, कित पालम किते कैंट मिले
बाजे डिस्को ढोल कोण मुरली पै ध्यान जमावेगा

3. श्रद्धा और विश्वास रहे ना घणे धर्म बण ज्यावेंगे
बेटी की कोए कदर रहे ना, कोख मैं कतल करावंगे
जन्म देणियां मां बाप ठोकरा मैं रूलते पावंगे
गलती करण आले के संग मैं हजारों साथी पावंेगे
भारद्वाज सुनील बतादे तूं के तीर चलावेगा ....

Dobara Avtar Dharke Jab Dharti Pe aavega

Sun Na sakega Mere Kanheya Ke Ke Badla Pavega

Bhajan Lyrics 

Bolbhajan.com