राखिये तूं नीत ठिकाने, बाबा आपे मिल ज्यागा

 राखिये तूं नीत ठिकाने, बाबा आपे मिल ज्यागा

1. जिन बंदा की नीत खरी सै
जिंदगानी मैं मोज भरी सै
बाणी सच्ची सरासरी सै, दुख का सूरज ढल ज्यागा

2. नहीं किसे का माड़ा सोचो
मत बेबस का घाव खरोचो
सुरगधाम जीते जी पंहुचो, कर्म पवित्र फल ज्यागा

3. जे भीतर मैं छल होवेगा
व्रत करे तै के होवेगा
तन्नै दोगलापन खोवेगा, घणा कसूत बिचलजेगा

4. जे बाबा के दर्शन चाहवे
क्यूं ना ध्यान बात पै लावे
रामधन कागसरिया गावे, सुण ले पाखंड तै टल ज्यागा 

Bolbhajan.com

Bhajan Lyrics in Hindi : 

Bhajan : Rakhiye tu Neet Thikane Baba Aape Mil Jyaga

Writer : Ramdhan Kagsariya