मतलब के बिना, कोए नहीं सै प्यारा

 मतलब के बिना, कोए नहीं सै प्यारा

1. ज्यों ज्यों बैल चले हलसी मैं वैसा गेरे चारा

बूढा होज्या नाथ काढ दे वो घर घर लाठी खार्या

2. सास ससुर नैं बहुवड़ बोले, बोले बोल करारा

कुत्ते तावण का सुख कोन्या, क्यूं छाती फूंकण आरा

3. मात-पिता जब आच्छे लागे, धंधा करदे सारा

बुढे होज्या पोरस थकज्या, दे बेटे दुतकारा

4. चेला बणकै भेदभाव मैं, भेद बूझ ले सारा

भेद पूछकै न्यूं कहदे मैं चेला कोन्या थारा

5. कह हरनंदा हर नै भज लै होज्यागा निस्तारा

भवसागर तै पार उतर ज्या, ना डूबेगा मझधारा

Bhajan Lyrics in hindi Available in BOL BHAJAN 

comment plz