नहा धोके मै बैठी भगतनी भजे राम की माला,
भेष बदल कै कृष्ण आग्या बणके मांगन आला ....
चिमटा ठा कै भाजी भगतनी ठहर जा मांगन आला,
मेरी भक्ति में भंग गेर दिया मै फेरु थी माला,
रे रहन दे भगतनी जान दे भगतनी झूठी फेरे माला,
उपरले तै राम रटे है तेरे भितरले में काला ....
राम रटया ध्रुव भगत नै उम्र का था वो याना,
अरे धजा चढ़ी आकाश में दुनिया में होया उजाला,
रे रहन दे भगतनी जान दे भगतनी झूठी फेरे माला,
उपरले तै राम रटे है तेरे भितरले में काला ....
राम रटया था मीरा बाई नैं, बण मैं ला लिया डेरा
आठ सौ झालरे त्याग दिए उन्हें लेई काठ की माला
रे रहन दे भगतनी जान दे भगतनी झूठी फेरे माला,
उपरले तै राम रटे है तेरे भितरले में काला ....
राम रटया था धन्ना भगत नैं, चीज बांट दिया सारा
बोई कांकर काटे तुंबे, अन्न उपजा था भारा
रे रहन दे भगतनी जान दे भगतनी झूठी फेरे माला,
उपरले तै राम रटे है तेरे भितरले में काला ....
राम रटया था नरसी भगत नै, टोह लिया कृष्ण काला
हरनंदी कै भात भरया उड़े रोप दिया उन्हें चाला
रे रहन दे भगतनी जान दे भगतनी झूठी फेरे माला,
उपरले तै राम रटे है तेरे भितरले में काला ....