तेरी जोत जगै सै मां काली

तेरी जोत जगै सै मां काली
तूं पेशी ऊपर आ काली
यो संकट बैरी घालै घेरी इसनै मार भगा काली....

1. जब संकट नैं परेशान किया, तेरे भगत नैं तेरा ध्यान किया
जोत जगा कै बैठ्या तेरी सच्चे दिल तै याद किया
क्यूं तूं देर लगा री सै री आकै कष्ट मिटा काली ....

2. यो संकट बैरी बोलै ना और अपना मुखड़ा खोलै ना
पत्थर बणकै बैठ गया यो इधर उधर नै डोलै ना
इस संकट नैं पेशी ऊपर आकै नाच नचा काली ....

3. घर के आंगन के म्हां मैया तेरा दरबार सजाया री
पान सुपारी हलवा बणाकै तेरा भोग चढाया री
तेरी भेंट धरी सै तैयार री मैया आकै भोग लगा काली....

4. जब जब भक्त पै संकट आया मैया दौड़ी आई
संदीप धानियां की मैया क्यूं करती नहीं सुणाई
आस तेरी सै लाज मेरी सै, आके लाज बचा काली ......

Bolbhajan.com

Peshi Bhajan : Jyot Jage Maa Kali

Singer : Pardeep Dhaniya

Writer : Sandeep Dhaniya 

 Maha Kali Bhajan Lyrics in hindi