सालासर बजरंगी भगतां की रक्षा करज्यो

 सालासर बजरंगी भगतां की रक्षा करज्यो

१. अंजनी का थे लाल दुलारा शंकर का अवतार
बालापन मैं सूरज निगल्यो पायो कोनी पार
सोटाधारी बजरंगी भगतां की रक्षा करज्यो ........

२. सीता की सुध ल्याया थे तो जा लंका के मांही
असूरां ने बाबा मार भगायो देर करी थे नांही
लंका जारी बजरंगी भगतां की रक्षा करज्यो ........

३. लक्ष्मण जी के शक्ति लागी, मच गयो हा हाकार 
लाय संजीवन आप पिलाई, प्रभु करे जय जयकार
पर्वतधारी बजरंगी भगतां की रक्षा करज्यो ........

४. धाम निरालो थारो बाबा आवै है नर नारी
खीर चुरमो भोग लगावै भर भर मेवा थाली
संकट हरियो बजरंगी भगतां की रक्षा करज्यो ........

५. चेत सुद्धी पूनम थारो मेलो भरे अपार
सुभाषचंद्र का संकट बाबा दिज्यो जल्दी टार
पार करियो भगतां की रक्षा करज्यो ........