अजमल का जाया रै, कंवरा रामदेव जी

 अजमल का जाया रै, कंवरा रामदेव जी
करयो रूणेचा में वास, पीर अवतारी रै

1. मैणादे नै पर्चो रै, कंवरा रामदेव जी
बाबा उफनेड़ो तार दियो दूध, पीर अवतारी रै

2. बाबै भैरू नै मार्यो रै, कंवरा रामदेव जी
सारी पर्जा मनावै जय जयकार, पीर अवतारी रै

3. बिणजारै नै पर्चो रै, कंवरा रामदेव जी
बाबा मिश्री को कर दियो लूण, पीर अवतारी रै

4. बणिये बोयते नैं पर्चो रै, कंवरा रामदेव जी
बांगी समुंद्र बचा दी नाव, पीर अवतारी रै

5. पांचों पीरां नैं पर्चो रै, कंवरां रामदेव जी
बांगा बासण दिया मंगवाय, पीर अवतारी रै

6. थानै बीरो मनावै रै, कंवरा रामदेव जी
बाबा भगतां री सुणलै पुकार पीर अवतारी रै

Baba Ramdev Ji Bhajan Lyrics In Hindi