चालो नी महाराज म्हारै घर चालो नी

 चालो नी महाराज म्हारै घर चालो नी
थारी रोज करां मनुहार, म्हारै घर चालो नी

थे मत जाणो हो कंवरा एकली 
कोए संग मैं सहेलियां रो साथ, म्हारै घर चालो नी

1. ऊंचो बिछा द्यूं हो कंवरा बिछावणो
थारी फुलड़ा सजाऊं सेज, म्हारै घर चालो नी

 चालो नी महाराज म्हारै घर चालो नी

2. गाय दुहाद्यूं हो कंवरा गोरड़ी
थानैं गुदड़ी रंधा द्यूं खीर, म्हारै घर चालो नी

चालो नी महाराज म्हारै घर चालो नी

3. लोटां लोटां हो कंवरा घी बरतां म्हे
थानैं बूरा घालां खांड, म्हारै घर चालो नी

चालो नी महाराज म्हारै घर चालो नी

4. पतला पतला हो कंवरा फलका पोद्यां थानैं
कोए हरी रे मंूंगा री दाल, म्हारै घर चालो नी

चालो नी महाराज म्हारै घर चालो नी

5. रूपादे गी हो कंवरा बिनती
कोए लाज राखे रघुनाथ, म्हारै घर चालो नी

चालो नी महाराज म्हारै घर चालो नी

Baba Ramdev Ji Bhajan Lyrics In Hindi