बोल क बता दिल खोल क बता
होइ के सै बात मन्नें गोल के बता
होई ना संतान लागे रोल तेरे मैं, मन के म्हां खोल सुणाइए आण के
लागे से भभूती तन्नै खाई कोन्या री, पेटा भरजा साच बताइए आण के
सिद्ध योगी झूठ कती पावे कोन्या हे
करने पाखंड मन्नै आवे कोन्या हे
खाली वाणी मेरी कदे जावे कोन्या हे, मानता ना मन समझाइए आण के
दवा देई फेर भी आराम ना होया
जिंदगी मैं कदे इसा काम ना होया
काट देवे बात कोए जाम ना होया, होया हो तो शक्ल दिखाइए आण के
देग्या था भभूती मंतर सारे फेर के
कर दिए चाले तन्नैं बाहर गेर के
हटजा नै खड़ी क्यूं आगा घेर के, मीठी मीठी बात ना लाइए आण के
टोहे जा सै बडेसर आला फिकरे
अनिल कुमार चाले सारे जिकरे
लेवे से समेट मोती बिखरे, छंद के तूं हार बणाइए आण के
बोल क बता दिल खोल क बता | Gorakh Nath Superhit Bhajan | Sumit Kalanaur Bhajan |
गायक सुमित कलानौर
गुरु गोरखनाथ भजन