चल महाराणी दर्शन कर गुरू गोरख आया

 तर्ज: घर आज्या परदेशी तेरा देश बुलाए रे ............

टेक: बागों में हरियाली छाई चौगरदे खुशहाली आई

हो बागों के म्हां महाराजों ने डेरा लाया सै

चल महाराणी दर्शन कर गुरू गोरख आया सै......

1. सूखा बाग पडय़ा था म्हारा, 

        इब वो हर्या हो लिया सारा

मोर पपीहे बोलण लागे 

        आनंद रंग सा छार्या न्यारा

कुएं मीठे जल तै भरगे 

        पशु पक्षी आनन्द मैं भररे

हो मावस कैसी रात नै  यो चंदा चमकाया सै...........

2. 14 सौ चेलों के संग मैं 

        गोरखनाथ रंगे इस रंग मैं

हवन कीर्तन करण लागरे 

        देखकै आई ऐसा ढंग मैं

सारे धूना खूब जमारे 

        बागां के म्हां धुम्मा ठारे

हो महक कसूती उठ रही मेरा मन हर्षाया सै.......

3. मैं भी दर्शन करकै आई 

        इब मैं थमन्नैं बुलावण आई

संदीप धानियां दर्शन करकै 

        होज्यागी तेरी सफल कमाई

तूं भी जाकै दर्शन पाले 

        गुरू चरणां मैं शीश झुकाले

हो इन गुरूआं नैं सबका सोया भाग जगाया सै........

Tarj: Ghar Aajya Pardeshi Tera Desh Bulae Re ............ 

Baagon mein hariyaali chhai 

Chaugarade khushahaali aai 

Ho baagon ke mhaan mahaaraajon ne dera laaya sai 

Chal mahaaraani darshan kar guroo gorakh aaya sai...... 

1. Sookha baag padaya tha mhaara, 

Ib vo harya ho liya saara 

Mor papihe bolan laage 

Aanand rang sa chhaarya nyaara 

Kuen mithe jal te bharage 

Pashu pakshi aanand main bharare 

Ho maavas kaisi raat nai yo chanda chamakaaya sai........... 

2. 14 sau chelon ke sang main 

Gorakhanaath range is rang main 

Havan kirtan karan laagare 

Dekhake aai aisa dhang main 

Saare dhoona khoob jamaare 

Baagaan ke mhaan dhumma thaare 

Ho mahak kasooti uth rahi mera man harshaaya sai....... 

3. Main bhi darshan karakai aai 

Ib main thamannain bulaavan aai 

Sandip dhaniya darshan karakai 

Hojyaagi teri saphal kamai 

Toon bhi jaakai darshan paale 

Guroo charanaan main shish jhukaale 

Ho in guruan nain sabaka soya bhaag jagaaya sai........